Gjykata e Posaçme ka dënuar me 32 vite në total, 4 anëtarët e grupit që drejtohej nga Jetmir Kastrati, nën akuzë për trafikim të narkotikëve në disa vende të Bashkimit Europian.
Bëhet fjalë për trafikun ndërkombëtar të drogës, që arrinte deri në vendet Skandinave dhe më pas fitimet e aktivitetit transportoheshin me linja autobusësh drejt Shqipërisë, për t’u pastruar në investime brenda vendit.
Jetmir Kastrati është hetuar dhe dënuar më parë, kurse sot u dha verdikti për për Klajdi Dervishin, alias Klajdi Pelinku apo Bruno Pavoti, me 8 vite burgim, sikurse e njëjta masë edhe për Arteid Musallari, Eltion Dani dhe Nikolin Noku, alias Nikolin Martini apo Nike/Nik Martini.
Dosja ndaj tyre ishte dërguar për proces prej shtatorit të vitit të kaluar.
Më herët SPAK i ka sekuestruar pasuritë mbi 2 mln euro organizatës dhe veçanërisht Jetmir Kastratit dhe kunatit të tij Astrit Beqiri (në emër të të cilit ishin regjistruar), ku binin në sy një pulari dhe disa biznese të tjera.
GJKKO dënoi përkatësisht:
- Klajdi Dervishi alias Klajdi Pelinku, alias Bruno Pavoti, që dënohet me 8 vite burg
- Arteid Musallari dënohet me 8 vite burg
- Eltion Dani dënohet me 8 vite burg
- Nikolin Noku alias Nikolin Martini, alias Nike/Nik Martini dënohet me 8 vite burg
Discussion about this post