Një aksident me pasojë vdekje ka ndodhur mëngjesin e sotëm në Elbasan-Peqin, ku ka ndërruar jetë një person.
Mësohet se aksidenti ka ndodhur rreth orës 07:30 të mëngjesit në fshatin Pajov, ku mjeti tip “Benz”, me drejtues Haxhi Balën, 64 vjeç, banues në Librazhd, i ka prerë rrugën mjetit tip trajler me drejtues A.D., 49 vjeç, banues në Korçë.
Si pasojë e aksidentit ka humbur jetën drejtuesi i mjetit tip “Benz”, Haxhi Bala, ndërsa shoferi trajlerit nuk ka pësuar dëmtime. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
