Trajneri i Elbasanit, Roberto Bordini iu përgjigj pyetjeve të gazetarëve para ndeshjes ndaj Bylisit në kampionat.
“E dimë shumë mirë që prej kohësh nuk kemi fituar, kjo është evidente dhe nuk mund ta anashkalojmë. Megjithatë duhet të shikojmë përpara dhe të mendojmë të fitojmë me Ballshin. Kjo është kryesore dhe gjëja e parë që duhet të bëjmë. Nuk mendoj që tani për kupat e evropës, sepse kampionati është ende i gjatë. Më e rëndësishmja është të kthehemi në rezultatet pozitive, ashtu siç ishim në fillim të këtij kampionati. Kështu rikthehet edhe besimi në skuadër dhe kjo është më e rëndësishmë.”
“Sic kam thënë edhe herët e tjera, ne kemi bërë lojë të mirë. Por duhet të jemi më të saktë para portës, pra nuk kemi shfrytëzuar si duhet rastet për gol. E di që tifozët kanë mbetur të zhgënjyer por kam besim se ata do të vazhdojnë të na mbështesin. Lojtarët e mi e dinë shumë mirë dhe rëndësinë e tifozëve të ekipit dhe vlen tepër raporti që skuadra ka me tifozët”- tha ai.
Java e 16-të e kampionatit
Në stadiumin “Elbasan Arena” në 16.30, të zotët e shtëpisë do të kërkojnë të rikthehen te fitorja pas një ecurie jo shumë të mirë në kampionat. Megjithatë, ballshiotët vijnë pas fitores me Vllazninë dhe janë në një moment të mirë.
Në stadiumin “Niko Dovana”, Teuta do të presë Laçin. Një ndeshje interesante, ku të dyja ekipet do të kërkojnë fitoren.
Të mërkurën në mbrëmje, në 19:30 do të luhet një nga takimet më të forta të javës së 16-të. Vllaznia dhe Dinamo City do të përballen në “Loro Boriçi”. Kuqeblutë do të kërkojnë të rikthehen te fitorja në shtëpi, ndërsa blutë e Dinamos synojnë rezultatin e radhës pozitiv.
Java e 16-të do të ulë siparin të enjten me dy takimet e fundit, në orën 17:00. Në Korçë do të luhet sfida Skënderbeu – Tirana, ndërsa në “Arenën e Demave” Partizani do të përballet me Egnatian. Dy sfida interesante, ku skuadrat synojnë maksimumin e pikëve.
Të gjitha ndeshjet e kampionatit “Abissnet Superiore” do të transmetohen live në kanalet e RTSH.
gijotina.com/
Discussion about this post