Maroku është ndalur në gjysmëfinalet e Kupës së Botës, duke u mposhtur nga Franca por për trajnerin Ualid Regragui, asgjë nuk mund të fshijë atë që kishte bërë ekipi afrikan për të shkuar deri në katërshen më të mirë të turneut.
Menjëherë pas humbjes 2-0 përballë bluve, ai ka theksuar se në një nivel kaq të lartë, çdo gabim paguhet shumë shtrenjtë.
“Ne kemi dhënë maksimumin, kjo është gjëja më e rëndësishme. Kishim disa dëmtime, humbëm Aguerd gjatë nxemjes, pastaj Saïs dhe Mazraui në pushim… Por unë nuk kam asgjë për të thënë, gabimi më vogël këtu paguhet kesh.
Ne nuk hymë mirë në ndeshje, bëmë shumë gabime teknike në pjesën e parë ndërsa goli i dytë ishte ai që na vrau përfundimisht. Por kjo nuk fshin aspak të gjitha gjërat që kemi bërë më përpara”, theksoi Regragui pas përfundimit të sfidës.
Discussion about this post