Trajneri i Brighton, Roberto De Zerbi, i ftuar në “Calcio con la F” të kanalit Bobo TV nuk i ka kursyer fjalët e mira për teknikun e Cityt, Josep Guardiola.
Në bashkëbisedim, me moderatorët e emisionit, ish-futbollistët Daniele Adani, Nicola Ventola, Antonio Cassano dhe Christian “Bobo” Vieri, trajneri i Brighton, foli gjerë e gjatë për suksesin e teknikut spanjoll duke vënë në dukje mbi të gjitha faktin se Guardiola është numri një në histori bashkë me ish-trajnerin e Milanit, Arrigo Sachi.
“Kundër Manchester City e vetmja gjë që më shqetësonte ishte humbja e topit, 60 me 40. I thashë Pep-it për këtë pas ndeshjes.
Unë e dua atë, ai është personi që më ndihmoi më shumë kur mbërrita në Angli, ai më telefonoi menjëherë për të më thënë një fjalë të mirë dhe më pyeti nëse kisha nevojë për ndonjë gjë.
Ai është numri një në histori bashkë me Sacchin dhe disa të tjerë. Ka kaq shumë zili ndaj tij. Çfarë duhet të bëjë më shumë? Ai ka fituar gjithçka në karrierën e tij dhe kjo është një meritë e madhe”-tha De Zerbi.
Discussion about this post