Në lidhje me 92 refugjatët e zhveshur që u gjetën në kufirin Greqi-Turqi, agjencia e OKB për refugjatët ka kërkuar hetim urgjent. Ky institucion e cilëson incidentin si tronditës, ndërsa shprehet thellësisht e shqetësuar për imazhet e rënda që u shpërndanë në rrjetet sociale.
Burrat, kryesisht nga Afganistani dhe Siria, u gjetën pranë kufirit pasi kaluan lumin Evros me gomone, sipas policisë greke. Mes refugjatëve kishte edhe fëmijë, tha një zëdhënës i UNHCR për The Guardian.
“Ne po kërkojmë një hetim të plotë sepse rrethanat nuk janë të qarta,” tha Stella Nanou, zëdhënësja e agjencisë në Athinë.
“Jemi gjithmonë kundër trajtimit degradues dhe mizor dhe ajo që kemi parë është tronditëse.”
Imazhet e emigrantëve të zhveshur, disa me shenja lëndimi, u shfaqën në fundjavë pas zbulimit të raportuar të tyre nga rojet e patrullës pranë lumit Evros.
Në një deklaratë për mediet, policia greke tha se burrat kishin dëshmuar se ishin sjellë në zonë me tre automjete ushtarake turke përpara se të urdhëroheshin të hiqnin rrobat e tyre përpara se të hipnin në gomone.
Grupit, të cilëve iu dhanë menjëherë rroba, ushqime dhe ndihma e parë, prej të shtunës mbahen në policinë dhe rojen kufitare të Feresit.
Ata pritet të transferohen në qendrën e pritjes dhe identifikimit Fylakio pranë Orestiada, qyteti më verior i Greqisë, në ditët në vijim, ku zyrtarët e UNHCR shpresojnë të flasin me ta.
“UNHCR shpreson të flasë me grupin në ditët në vijim,” tha Nanou.
Emigrantët në bazë të deklaratave thuhet se ishin detyruar nga autoritetet turke të hipnin në tre automjete që i çuan në kufi. Ata dëshmuan se ishin detyruar të zhvisheshin lakuriq përpara se të hipnin në gomone. “Sjellja provokuese e Turqisë i kapërceu të gjitha kufijtë”, thuhet në deklaratën nga ministria e azilit dhe migracionit të Greqisë.
Ministri i migracionit i Greqisë, Notis Mitarachi, kërkoi nga Ankaraja të hetojë incidentin. Zëdhënësi kryesor i presidentit Recep Tayyip Erdoğan, i përshkroi akuzat si të pabaza. Kombet e
Bashkuara në një deklaratë në të cilët thuhet se ishte thellësisht e shqetësuar nga ky zbulim. Frontex bëri të ditur se burrat ishin kryesisht nga Afganistani dhe Siria.
Zbulimi vjen disa ditë pasi një raport i zbuluar nga një agjenci e BE-së kritikoi Frontex për fshehjen e paligjshme të emigrantëve nga Greqia në Turqi, diçka që Athina e mohon. Muajin e kaluar, presidenti turk Rexhep Tajip Erdogan përdori një fjalim të OKB-së për të akuzuar Greqinë për transformimin e Detit Egje në një “varrezë”.
Greqia ishte në vijën e parë të krizës evropiane të migracionit në 2015 dhe 2016, kur rreth një milion refugjatë që ikën nga lufta dhe varfëria në Siri, Irak dhe Afganistan mbërritën në vend, kryesisht nëpërmjet Turqisë.
Numri i të ardhurve ka rënë që atëherë, por autoritetet greke thanë se kohët e fundit kishin parë një rritje të tentativave për të kaluar përmes kufirit tokësor turk dhe ishujve grekë.
Discussion about this post