Një lloj i ri droge po pushton rrugët e Amerikës. Efektet e saj janë të dëmshme deri për lëkurën e njeriut duke shkaktuar edhe kalbjen e saj. Nga kjo lëndë narkotike, një person në 70 mijë është duke humbur jetën sipas raportimeve.
Droga në fjalë, është opioidi Fentanyl , që duke u miksuar me substanca si Xylazina, një sedativ për kuajt, bëhet tejet i rrezikshëm për shëndetin e njeriut.
Autoritetet e shëndetit publik në SHBA janë të shqetësuar nga kjo lloj droge që është duke i “shndërruar njerëzit në zombi”. Plagët e shkaktuara në lëkurë nga përdorimi i drogës mikse Xylazine-Fentanyl mund të jenë fatale madje të kërkojnë dhe amputimin e pjesës së infektuar.
Shumë nga doktorët në Amerikën e Veriut deklarojnë se nuk kishin parë më parë njerëz të reduktuar në atë gjendje nga përdorimi i një lënde narkotike.
Autoritetet do të kenë vështirësi për sa i përket heqjes nga qarkullimit të asaj që është pagëzuar me emrin “Tranq”, kjo për arsyen e çmimit, tepër të lirë të ingredientëve që shërbejnë për ta prodhuar.
Discussion about this post