Dita e fundit e merkatos europiane po dhuron një seri lëvizjesh të bujshme dhe marrëveshjesh të minutës së fundit.
Everton ka arritur marrëveshje për transferimin e sulmuesit amerikan Folarin Balogun nga Monaco për rreth 45 milionë euro.
“Blutë” pritet të rikthejnë në skuadër edhe Jack Grealish, i cili do të bashkohet nga Manchester City në formë huazimi.
Një tjetër lëvizje e rëndësishme vjen nga Borussia Dortmund, që ka siguruar huazimin e 19-vjeçarit Ethan Nwaneri nga Arsenal.
Liverpool ka zyrtarizuar ndërkohë një nga goditjet më të mëdha të merkatos, duke firmosur me Bradley Barcola nga PSG.
Manchester City ka arritur marrëveshje në parim me Evertonin për Iliman Ndiaye, në një operacion që mund të shkojë deri në 65 milionë paund.
“Qytetarët” kanë bërë gjithashtu një lëvizje surprizë, duke pyetur Chelsea-n për mundësinë e transferimit të Enzo Fernandez.
Tottenham është pranë marrëveshjes me Chelsea-n për Tosin Adarabioyo, ndërsa Mykhailo Mudryk mund të kalojë te Spurs në huazim.
Në Itali, Atalanta ka siguruar Jonathan Rowe nga Bologna për rreth 40 milionë euro, fillimisht në huazim me detyrim blerjeje.
Juventus ka mbyllur ndërkohë huazimin e Nick Woltemade nga Newcastle, pa opsion apo detyrim blerjeje.
Ndërsa Jonathan David është shumë pranë kalimit te Atletico Madrid nga Juventusi, në formë huazimi me opsion blerjeje.
Discussion about this post