Transferimi i sulmuesit francez, karim Benzema drejt Al Ittihad të Xhedas, ishte i pritshëm, duke parë moshën e futbollistit por edhe milionat që sauditët ofruan për të joshur fituesin e “Topit të Artë”. Ndeshja ndaj Athletic Bilbaos, ishte e fundit për të, me uniformën e Realit të Madridit.
Benzema, e mbylli aventurën e tij, në mënyrën më poetike të mundshme, duke shënuar gol, në prekjen e tij të fundit, të topit, me fanellën e bardhë.
Të shumta kanë qenë nderimet, nga vetë klubi, që e ka falënderuar për kontributin deri te shokët e skuadrës, të cilët nuk kanë rezervuar elozhet për atë që është “numri 9” më teknik në botë.
Një nga më të fundit që e ka përshëndetur Benzemanë, është ish-shoku i skuadrës së tij, Luka Modric. Në një status në Instagram, ai shprehet se ndjehet i trishtuar për largimin e Karim, por krenar që ka ndarë fushën me të për 11 vite.
“Jam i trishtuar, por shumë krenar që kam pasur nderin të luaj për 11 vite me një nga talentet më të mirë në futboll. Kur arrita këtu, e dija se ishe një lojtar i madh, por që në stërvitjen time të parë, pashë se sa i veçantë ishe.
Përveçse je një futbollist i jashtëzakonshëm, gjatë viteve që kemi bërë histori në këtë klub fantastik, kam kuptuar se sa i veçantë je si person! Më mungon shumë tashmë, pa pushim. Faleminderit për gjithçka dhe të uroj suksese në fazën tuaj të re.”
https://www.instagram.com/p/CtHkOv5sg4s/?hl=en
Discussion about this post