Partia Demokratike e Përrenjasit ka bërë publike emrat e delegatëve që i janë bashkuar Kuvendit të Demokratëve në 11 dhjetor të thirrur nga ish-kryeministi Sali Berisha.
Sipas përfaqësuesit të demokratëve të Përrenjasit, Arjanit Leka, Kuvendit të 11 dhjetorit do t’i bashkohen edhe delegatë që nuk kanë firmosur. Ai bëri me dije se dega e PD-së së Përrenjasit ka 62 delegatë dhe 37 prej tyre kanë firmosur për të qenë pjesë e Kuvendit të 11 dhjetorit.
“60 për qind e delegatëve të Përrenjasit do t’i bashkohen 11 Dhjetorit”, tha ai, duke lexuar edhe emrat e firmëtarëve.
Ish-kryeministri Berisha ka deklaruar se për mbledhjen e Kuvendit të 11 dhjetorit kanë firmosur më shumë se 4200 delegatë dhe për shkak të numri të madh të pjesëmarrësve është planifikuar të zhvillohet në stadiumin “Air Albania”.
Discussion about this post