Transporti, protestë e shoferëve në kryeqytet, kërkojnë paga dhe kushte më të mira

Në kryeqytet u zhvillua një tubim në mbështetje të punëtorëve të transportit dhe telekomunikacionit.

“Për të sensibilizuar opinionin sepse taksitë janë deformuar në mënyrë spektakolare. Ka shkuar numri 250 banorë për 1 taksi, pra çdokush ka taksi sot. Por prapë e pranojmë se tregu është i lirë, por nuk pranojmë konkurrencën e parregullt”, shprehet një taksist.

“Kërkojmë pagesa më të larta në krahasim me punën dhe vështirësitë që kanë”, shprehet një punëtor.

Sindikatat u bashkuan si rrjedhojë e një fushate ndërkombëtare që bën thirrje për punë të denjë, pagesa të drejta dhe përmirësim të kushteve.

“Nuk mund të flasim për rrugë të sigurta pa folur për tarifa të drejta dhe pushim për shoferët. Transporti urban dhe interurban përballet me kolaps”, shprehet një tjetër punëtor.

Realiteti i përditshëm i punëtorëve është sfidues sipas kompanive të transportit rrugor, me orë të gjata dhe pa motivim në rroga; ndaj propozojnë të kenë bashkëpunim me institucionet shtetërore për të përmbushur kërkesat e tyre.

“Pagat e punonjësve të transportit nuk është mjaftueshëm, sepse po shohim dhe ikjen e tyre drejt BE. Duhet një stimul më i madh, minimalja të shkojë neto 95 mijë e më lart. Operatorët nuk kanë mundësi financiare për ti rritur siç duhen, po spati gërshetim politikash me institucionet ne nuk jemi në gjendje ti mbajmë në punë”, shprehet Dashnor Mema.

Përgjatë një jave mobilizimi, protestuesit synojnë të dëgjohen shqetësimet e tyre dhe të garantohen të drejtat e Kodit të punës.

gijotina.com/