Që nga dita kur nisi viti i ri akademik, situata e transportit publik në vendin tonë është rënduar, duke shtuar dhe faktin se kompanitë nuk punojnë me kapacitetet të plotë. Për më shumë se një muaj kjo situatë nuk ka marrë zgjedhje pavarësisht ankesave të qytetarëve, për shkak të ngërçit mes Bashkisë dhe kompanive të transportit, të cilët tregojnë se Bashkia nuk iu ka dhënë asnjë lloj mbështetje sikur ju premtoi gjatë pandemisë.
Sikur të mos mjaftonte kjo pak ditë më parë në prezantimin e paktës së re të TVSH, qeveria tregoi se do të shtojë TVSH për në dogana. Lajm ky që agravoi dhe më shumë situatën, pasi shtohet barra fiskale për transportin dhe rrjedhimisht çmimet për qytetarët që përdorin këtë shërbim. Në fjalën e tij gjatë Komisionit të Ligjeve, Kryetari i Bashkisë, Erion Veliaj ka nisur sërish nga propagandat. Ai tha se çështja e vendosjes së TVSH për në dogana do të diskutohet në mënyrë që të ndikojë në rritjen e çmimeve. Pavarësisht pyetjeve nga anëtaret e komisionit, Veliaj nuk dha një përgjigje konkrete se si do të veprohet me aplikimin e TVSH në dogana.
Por nga an tjetër ai nuk ngurroi të jap një paralajmërim të fortë për të gjitha kompanitë e transportit publik. Ai tha se nuk do të tolerojë më ata që shesin bileta false. “Nuk dua që të rrisim çmimin, vetëm për nivelin e tregut dhe çmimit të naftës por një mënyrë që kemi është që të heqim TVSH e biletës. Disa veprime të tjera mund të bëhen për doganën dhe TVSH e mjeteve të transportit. Dua të bëhet i arsyeshëm menaxhimi i transportit publik. Di t’i vij hakut kur nuk e meritojnë, kur shesin bileta fals, di edhe të qaj hallin e një industrie që po afektohet sot nga kriza. Janë disa detyrime të ministrisë që ekzistojnë në ligj, por edhe kompanitë e transportit duhet të respektojnë me përpikmëri ligjin”, u shpreh ai.Kujtojmë se pak ditën e djeshme në komisionin e ekonomisë kontabilistët kanë dalë kundër këtij vendimi, duke thënë se TVSH nuk është taksë doganore dhe nuk duhet të aplikohet në këtë sektor. E.H/ gijotina.com/
Discussion about this post