5 persona janë arrestuar ditën e sotme nga policia serbe, pasi po transportonin 300 kg drogë që vinte nga Shqipëria. Mediat serbe tregojnë se, policia ka sekuestruar 300 kilogramë marijuanë në rrugën që lidh zonën e Tërnovec të Madh dhe fshatin Turija. Nga ky operacion janë arrestuar 5 persona, ndërsa mësohet se droga në Serbi kishte mbërritur nga Shqipëria.
“Pjesëtarët e Shërbimit Kundër Drogës, në bashkëpunim me Prokurorinë e Lartë Publike në Nish, kanë prerë një tjetër zinxhir të kontrabandës së marijuanës nga Shqipëria në Serbi dhe kanë sekuestruar 300 kilogramë drogë në territorin e Tërnovcit të Madh”, njofton ministria e Brendshme në Serbi, por pa evidentuar origjinën e të arrestuarve, por dyshohet se dy prej tyre janë shqiptarë.
Discussion about this post