Policia e Himarës ka arrestuar dy persona, pasi transportonin me makinë 8 emigrantë të paligjshëm. Të arrestuarit janë një 28-vjeçar me inicialet K. Xh dhe një 21-vjeçar me inicialet V. H, të dy banues në Himarë.
Personat në fjalë, në bashkëpunim me njëri-tjetrin, kanë marrë me automjet, 8 emigrantë të paligjshëm në aksin rrugor Kuç-Qeparo, me qëllim transportimin e tyre drejt Tiranës, kundrejt pagesës.
Pasi i kanë shoqëruar emigrantët në një distancë të shkurtër, i kanë nxjerrë nga automjeti, për t’iu shmangur kontrollit të shërbimeve të Policisë, të cilët menjëherë kanë bërë të mundur ndalimin dhe vënien e këtyre dy shtetasve, në pranga.
Në cilësinë e provës materiale u sekuestruan automjeti dhe 4 aparate celulare. Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
Discussion about this post