Policia e Korçës ka kapur në flagrancë 3 shtetas A. F., 50 vjeç; N. F., 45 vjeçe, banues në Korçë dhe M. P., 31 vjeç, banues në Pajovë, të cilët janë bërë pjesë e një veprimtarie kriminale duke transportuar 11 emigrantë të paligjshëm, kundrejt një shpërblimi.
Shërbimet e policisë i kanë kapur në flagrancë në aksin rrugor Korçë-Pogradec, pranë fshatit Starovë, me mjetin tip “Benz”, me drejtues shtetasin A. F. dhe pasagjere bashkëshorten e tij, shtetasen N. F.
Mësohet se drejtuesi i mjetit, nuk i është bindur fillimisht urdhrit të punonjësve të policisë për të ndaluar.
Nga ana tjetër, shërbimet e Komisariatit të Policisë Pogradec, kanë konstatuar se mjeti tip “Fiat”, me drejtues shtetasin M. P., duke transportuar 7 emigrantë të paligjshëm, të cilëve kundrejt shpërblimit 1000 euro secilit, iu kishte premtuar kalimin drejt vendeve të BE-së.
Së fundmi, materialet i kaluan Prokurorive së Rretheve Gjyqësore Korçë e Pogradec për veprat penale “Ndihma për kalim të paligjshëm të kufijve”, kryer në bashkëpunim dhe “Mosbindja ndaj urdhrit të punonjësit të policisë së rendit publik”.
Discussion about this post