Policia britanike ka arrestuar një irlandez dhe disa shqiptarë të dyshuar për kontrabandën e emigrantëve në Britaninë e Madhe.
Shtetasi irlandez 46-vjeçar u arrestua në Aylesbury, Buckinghamshire, ndërsa një 51-vjeçar nga Shqipëria në Hove, Sussex u kap gjithashtu nga policia në Mbretërinë e Bashkuar.
Një irlandez ishte në mesin e katër personave të arrestuar kur policia belge pengoi një përpjekje për të kontrabanduar emigrantë nga kontinenti i Evropës në Mbretërinë e Bashkuar me një skaf.
Atyre iu bashkuan edhe dy shtetas shqiptarë, 44 dhe 48 vjeç, të cilët u arrestuan të martën në Nottingham.
Dymbëdhjetë emigrantë dhe dy britanikë ishin arrestuar më parë më 30 tetor, kur policia belge pengoi një varkë të largohej nga brigjet e Flanders.
Hetuesit besojnë se kontrabandistët e kishin përdorur varkën për të udhëtuar në Belgjikë për të mbledhur emigrantë, përpara se të tentonin të zbarkonin në Margate në Kent.
Arrestimet pasojnë një hetim nga Agjencia Kombëtare e Krimit (NCA), e cila pretendoi se të katër personat e arrestuar të martën në mëngjes janë pjesë e një bande që organizon një seri kontrabandë njerëzish nga Evropa në Mbretërinë e Bashkuar, duke përfshirë një numër ngjarjesh kalimi vitin e kaluar.
Komandanti i degës së NCA-së, Colin Williams, tha se arrestimet pasojnë një hetim të gjerë ndaj individëve që ishin përfshirë në një numër kalimesh emigrantësh nga Belgjika në bregun e Kentit në vitin 2022.
Ai tha: “Trajtimi i kontrabandës së njerëzve vazhdon të jetë një prioritet për NCA-në pasi ne synojmë dhe pengojmë grupet e krimit të organizuar në çdo hap të rrugës.”
Discussion about this post