Policia e Korçës, në bashkëpunim me Policinë Kufitare, bënë ndalimin e 24-vjeçarit me inicialet M. M., banues në Pogradec. 24-vjeçari ishte shpallur në kërkim, pasi më datë 27.05.2022, në fshatin Trestenik, Devoll, duke drejtuar mjetin tip “Audi A6”, me të cilin, në bashkëpunim me një person tjetër (i arrestuar nga Policia) po transportonin 7 emigrantë të paligjshëm, nuk i është bindur urdhrit të Policisë për të ndaluar dhe është larguar duke braktisur mjetin në rrugë.
Gjithashtu u godit një tjetër rast i kësaj veprimtarie kriminale. Si rezultat u arrestua në flagrancë, për veprën penale “Ndihma për kalim të paligjshëm të kufijve”, kryer në bashkëpunim, 31-vjeçarin me inicialet F. X., banues në Borizanë, Krujë.
31-vjeçari është kapur nga shërbimet e Policisë Rrugore, në vendin e quajtur “Lumi i Tërhanit”, Pogradec, duke transportuar me mjetin tip “Fiat”, 6 emigrante të paligjshme, të cilave kundrejt pagesës, iu kishte premtuar kalimin drejt vendeve të BE-së.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
Discussion about this post