Dy të rinj kanë rënë sot në prangat e policisë, për shkak se u kapën në flagrancë, duke transportuar emigrantë të paligjshëm. Bëhet me dije se, dy persona të moshës 30 vjeç dhe 43 vjeç janë kapur nga policia në afërsi të një qendre tregtare, duke transportuar me një mjet fugon, 7 emigrantë të paligjshëm, të cilëve kundrejt shpërblimit monetar, iu kishin premtuar kalimin drejt vendeve të BE-së.
Sipas të dhënave, një ri prej tyre ka qenë i dënuar edhe më parë për vrasje të mbetur në tentativë dhe i ndalohej dalja jashtë shtetit për një periudhë të caktuar. Ndërkohë, policia njofton se ka shpallur në kërkim një 36-vjeçar, i cili bashkëpunonte me dy të arrestuarit për të kaluar drejtë BE emigrantë ilegalë. Ndërsa theksohet se ka nisur procedim penal ndaj 7 emigrantëve që tentuan të kalonin ilegalisht kufirin. Në këtë kuadër, çdo material i grumbulluar i është dërguar prokurorisë për të vijuar me hetime më të thelluar rreth ngjarjes dhe rrjetit që merret me transport emigrantësh ilegalë. E.H. Gijotina.com/
Discussion about this post