2 farmacistë kanë rënë sot më pranga pasi dyshohet se shisnin ilaçe kontrabandë. Bëhet me dije se Policia e Tiranës ka sekuestruar një sasi ilaçesh të dyshuara kontrabandë, pa pullë fiskale. Nga kontrollet e kryera në kuadër të operacionit “Covid Time” ka rezultuar se 2 farmacistë, Jonader Dade dhe 42 vjeç dhe Johana Papajorgj., 26 vjeçe tregtonin ilaçe të marra në mënyrë ilegale.
Bëhet me dije se ngjarja ka ndodhur në bulevardin “Zhan D’Ark”, ku polica ka ndaluar automjetin në të cilin ndodheshin këta dy shtetas. Gjatë kontrollit të ushtruar në këtë mjet janë gjetur dhe sekuestruar në cilësinë e provës materiale një sasi medikamentesh të ndryshme mjekësore pa pullë fiskale. Kështu, policia ka bërë arrestimin e menjëhershëm të dy të rinjve, të cilët akuzohen për veprat penale “Tregtimi dhe transportimi i mallrave kontrabandë’’, ‘’Prodhimi dhe tregtimi i barnave dhe pajisjeve mjekësore të falsifikuara ose të rrezikshme për shëndetin’’, “Fshehja e të ardhurave” dhe “Shkelja e të drejtave të pronësisë industriale.
Materialet e grumbulluara i janë dërguar Prokurorisë, për të vazhduar me hetimet e mëtejshme, pasi dyshohet se dy farmacistët janë pjesë e një rrjeti më të gjerë për kontrabandë ilaçesh.
Discussion about this post