Transportonin kokainë nga Shqipëria në Greqi, kapet organizatori

Autoritetet greke kanë arrestuar organizatorin e bandës e cila u godita nga policia greke duke transportuar 138 kg kokainë në Arta të Greqisë, në 28 prill.

Sasia e madhe e drogës ishte importuar nga Shqipëria, ndërsa njëri prej 2 burrave që po e transportonin ishte me origjinë nga Shqipëria. Dy korrierët e drogës u arrestuan nga policia greke në fund të muajit ndërsa koka e grupit të trafikantëve u arrestua sot, shkruan protothema.gr.

Pas arrestimit nga policia e Sigurimit të Igumenicës, organizatori u dërgua në Prokurorinë Publike të Artës me akuzën e importimit, posedimit dhe transportit të lëndëve narkotike ku do të qendrojë deri në momentin e dëshmisë.

Dy korrierët e drogës, të cilët akuzohen edhe për vjedhje, u është caktuar masa e paraburgimit.