Transportonte 3 emigrantë të paligjshëm, policia e Himarës procedon 49-vjeçarin

Policia e Himarës ka proceduar penalisht një 49-vjeçar pasi është konstatuar duke transportuar me mjetin e tij 3 emigrantë të paligjshëm.

Sipas njoftimit të policisë, 49-vjeçari Sh.S, banues në Tiranë, pas disa sinjalizimeve është kapur në flagrancë duke transportuar emigrantët me mjetin e tij.

“Nga specialistët për Hetimin e Trafiqeve dhe Narkotikëve u referuan materialet në Prokurori dhe nisi procedimi penal në gjendje të lirë për shtetasin Sh. S., 49 vjeç, banues në Tiranë, pasi është konstatuar nga shërbimet e Komisariatit të Policisë Himarë, duke transportuar me automjetin e tij, 3 emigrantë të paligjshëm” – njofton Policia.