Një 26-vjeçar nga Kavaja është arrestuar mëngjesin e sotëm nga Policia e Korçës sepse po transportonte 4 emigrantë të paligjshëm. Mësohet se, në bazë të operacioni “Perimetri”, Policia Kufitare ka kapur në flagrancë shtetasin me iniciale K.H, i cili në aksin rrugor Korçë-Pogradec po transportonte në drejtim të Tiranës, me mjetin tip “Alfa Romeo”, 4 emigrantë të paligjshëm.
Sipas burimeve ai iu merrte një shumë të majme për çdo person që transportonte, pasi këta të fundit po kalonin kufirin për të hyrë në vendin tonë në mënyrë ilegale.
Sakaq, bëhet me dije se, Specialistët për Hetimin e Trafiqeve të Paligjshme dhe Narkotikëve në DVP Korçë, në bashkëpunim me Policinë Kufitare dhe Policinë Rrugore, vijojnë kontrollin për çdo automjet të dyshuar që kalon afër kufirit me Greqinë.
