Policia e Gjirokastrës ka shpallur në kërkim 21-vjeçarin me inicialet D.N., banues në Sarandë, për transportim të paligjshëm të emigrantëve. Ngjarja ka ndodhur në aksin rrugor Skërficë-Ura e Kardhiqit, në afërsi të fshatit Çepunë, ku policia është vënë në ndjekje të automjetit tip “Benz” i cili drejtohej nga 21-vjeçari.
Sapo ka vënë re që po ndiqej nga Policia, i riu ka përfituar nga errësira duke braktisur mjetin dhe është larguar. Ndërkohë në automjetin e 21-vjeçarit u gjetën 4 emigrantë të paligjshëm, të cilët po i transportonte kundrejt fitimit.
Në cilësinë e provës materiale u sekuestrua automjeti. Materialet i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufirit”.
Discussion about this post