Një 50-vjeçar është arrestuar ditën e sotme në Sarandë, pasi transportonte emigrantë ilegalë. Sipas burimeve zbulimi i këtij rrejti është bërë Nga operacioni policor i koduar “Qafa e Hanit”, për goditjen e veprimtarisë kriminale të dhënies ndihmë shtetasve të huaj, për kalim të paligjshëm të kufirit. Nga kontrollet u konstatua se 50-vjeçari banues në Mursi, Sarandë transportonte 6 emigrantë të paligjshëm, drejt Tiranës, në këmbim të një shume parash.
Arrestimi i këtij shtetasi u bë pasi u kap në flagrancë, në vendin e quajtur “Qafa e Hanit”, në aksin rrugor Konispol- Sarandë, duke transportuar me automjetin e tij, 6 emigrantë të paligjshëm nga vendet MENA, kundrejt fitimit. Po punohet për dokumentimin e plotë të kësaj veprimtarie kriminale dhe identifikimin e personave të tjerë të implikuar në të. Materialet procedurale i kaluan Prokurorisë së Rrethit Gjyqësor Sarandë, për veprën penale “Ndihma për kalim të paligjshëm të kufijve”.
Discussion about this post