Një 57-vjeçar ka rënë në prangat e policisë pasi po transportonte me autobus nëntë emigrantë sirianë drejt Tiranës.
Policia njofton se si rezultat i kontrollit, në aksin rrugor Gramsh-Cërrik, në fshatin Cërujë, shërbimet e Policisë kanë ndaluar mjetin autobus që drejtohej nga F. L., 57-vjeç.
Nga kontrolli rezultoi se 57-vjeçari po transportonte me autobus, në drejtim të Tiranës, nëntë persona nga Siria, kundrejt fitimit. Në cilësinë e provës materiale u sekuestruan automjeti dhe 1 aparat celular.
Materialet i kaluan Prokurorisë, për veprime të mëtejshme procedurale, për veprën penale “Ndihma për kalim të paligjshëm të kufijve.
Discussion about this post