Një 36-vjeçar me profesion ekonomist ka rënë në pranga të policisë së Elbasanit. Policia njofton se bëhet fjalë konkretisht për personin e identifikuar me inicialet M.D., për të cilin uniformat blu japin detaje se i riu është kapur duke transportuar një sasi pijesh alkoolike me faturë tatimore që dyshohet se mund të jetë e falsifikuar.
Po ashtu u procedua penalisht në gjendje të lirë për veprën penale “Fshehja e të ardhurave”, personi i identifikuar me iniciale M. G., pronari i subjektit ku po transportoheshin pijet alkoolike.
Kujtojmë se disa ditë më parë Gjykata e Korçës la në masën e sigurisë “arrest me burg” infermierin Nikolin Cikon pasi akuzohet se ka vjedhur dy farmaci.
Sipasi detajeve nga policia, Ciko më datë 08.03.2021 dhe 30.08.2021 ka vjedhur në farmacinë e Spitalit Rajonal Korçë një sasi të konsiderueshme medikamentesh e pajisjesh mjekësore me vlerë mbi 1.000.000 lekë.
Po ashtu nga veprimet hetimore të kryera rezultoi se, infermieri kishte vjedhur në farmacinë e Spitalit, një sasi medikamentesh dhe pajisjesh mjekësore, të cilat shërbenin për trajtimin e pacientëve me COVID-19 dhe me sëmundje tumorale, ku në cilësinë e provës materiale iu gjet e sekuestrua sasia e medikamenteve. / A.L Gijotina.com /
