Reperët Travis Scott dhe Drake janë paditur për incidentin në Festivalin Astroworld që ndodhi të premten (6 nëntor), dhe la tetë persona të vdekur.
Fox News ka konfirmuar se avokati i Teksasit, Thomas J. Henry ngriti një padi të dielën kundër Travis Scott, emri i vërtetë i të cilit është Jacques Bermon Webster, si dhe Drake, emri i vërtetë i të cilit është Aubrey Drake Graham.
Sipas një raporti nga The Daily Mail, padia është ngritur në emër të pjesëmarrësit të koncertit Kristian Paredes, 23 vjeç, nga Austin, Teksas. Paredes thuhet se ka paraqitur ankesën duke kërkuar më shumë se një milion dollarë dëmshpërblim pasi dy reperët dyshohet se “nxitën turmën” ku ai u plagos.
Festivali Astroworld thuhet se u bë vdekjeprurës kur turma u rrit pasi Drake u shfaq në skenë, shkruan FoxNews.
Në një konferencë për shtyp të shtunën pasdite, kryebashkiaku i Huston, Sylvester Turner konfirmoi se ndërsa mosha e një prej të vdekurve mbetet akoma e panjohur, viktimat e tjera ishin 14, 16, 21, 21, 23, 23 dhe 27 vjeç. Shkaqet e vdekjeve nuk dihen aktualisht që është cilësuar si “incident me viktima masive”.
Discussion about this post