Reperi, Travis Scott, me anë të një postimi në Twitter, ka reaguar në lidhje me vdekjet dhe lëndimet që ndodhën në koncertin e tij, në kuadër të festivalit “Astroworld” dhe ka premtuar “bashkëpunim të plotë” me policinë.
Të paktën tetë persona vdiqën dhe dhjetëra njerëz u lënduan pas një rritje të turmës në natën e hapjes së ngjarjes muzikore në Huston, Teksas, shkruan BBC.
“Lutjet e mia shkojnë për familjet e të gjithë atyre që u ndikuan nga ajo që ndodhi”, tha reperi në një deklaratë në Twitter.
“Jam absolutisht i shkatërruar nga ajo që ndodhi mbrëmë”, shtoi ai.
Reperi falënderoi policinë dhe shërbimet e urgjencës dhe tha se ishte “i përkushtuar të punonte së bashku me komunitetin e Houstonit për të shëruar dhe mbështetur familjet në nevojë”.
Festivali “Astroworld” thanë në një deklaratë se zemrat e tyre ishin me “familjen e festivalit… veçanërisht ata që humbëm të dashurit e tyre”.
Rreth 50,000 njerëz morën pjesë në ngjarjen dy-ditore në natyrë, e cila tani është anuluar.
Discussion about this post