Zëvendëskryeministri i Malit të Zi, Dritan Abazoviç shënoi një fitore të fortë në parlament një ditë më parë, kur nuk u votua shkarkimi i tij. Numri dy i qeverisë malazeze inicioi mocionin e mosbesimit ndaj kryeministrit Zdravko Krivokapiç.
Krivokapiç vetë u shpreh i vetëdijshëm për rënien e qeverisë, e për këtë, drejtoi gishtin e akuzës nga një pjesë e shumicës parlamentare, por edhe nga presidenti Milo Gjukanoviç, i cili nga ana e vet, ka zgjedhur të përkrahë politikanin e ri shqiptar.
Abazoviç për mediat u shpreh i painteresuar për fatin e tij në parlament, ku tha se nuk ka rëndësi sesi votojnë deputetët, e rëndësishme është që Mali i Zit ë ketë një qeverisje europiane.
“Nuk ka rëndësi sesi votojnë deputetët, e rëndësishme është që Mali i Zit ë ketë një qeverisje europiane, e cila të zhbllokojë rrugën drejt BE-së” -u shpreh përpara votimit.
Por analistë të ndryshëm mendojnë se nuk janë të vogla gjasat që kreu i Lëvizjes Qytetare te Ura, të përfundojë në poltronën e kryeministrit.
“Ura e Abazovicit me deputetët e saj lejuan krijimin e kësaj mazhorance. Por në vend të merrej me drejtimin e vendit qeveria aktuale u mor me implementimin e politikave të Aleksandër Vuçiç në Mal të Zi. Kjo e acaroi Abazovicin” – thotë profesor, Enver Bytyçi.
Sipas tij, me mbështetjen e socialdemokratëve në opozitë të Gjukanoviçit, zv/kryeministri mund të marrë frerët e një qeverie të re, e rajoni ynë, për herë të parë, do të ketë tre kryeministra me kombësi shqiptare.
Discussion about this post