Pas tensioneve në veri të Kosovës, presidentja Vjosa Osmani ka dhënë një intervistë për BBC. Në intervistë, Osmani është shprehur se Serbia po ndihmohet nga Rusia për sulmet në veri të Kosovës.
Osmani ka thënë për BBC se tensionet në veri të Kosovës po përshkallëzohen dhe se Serbia është nxitur nga Rusia për një kohë të gjatë, për të tentuar përshkallëzimin e situatës në Ballkanin Perëndimor.
“Gjithmonë iu jemi përgjigjur pozitivisht thirrjeve për dialog. Nuk jemi larguar asnjëherë nga tavolina e dialogut. Me nënshkrimin e marrëveshjes së reciprocitetit në po i respektojmë të gjitha pikat e marrëveshjes së nënshkruar në Bruksel.
Duhet pasur një qëndrim shumë të qartë ndaj Serbisë, e cila po luan në duart e Rusisë dhe është vend që nuk ka miratuar sanksione. Serbia në fakt po bën marrëveshje armësh dhe gazi me Rusinë.
Në dekadën e fundit që Vuçiç ka drejtuar Serbinë, por veçanërisht në muajt e fundit ku ata vazhduan t’i mbështesin strukturat ilegale në veri të Kosovës të cilat përbëhen nga bandat kriminale.
Nëpërmjet tyre dhe duke i manipuluar, ara janë duke e mbajtur pakicën serbe që jeton në Kosovë peng të këtyre politikave të gabuara ”, ka thënë Osmani për BBC.
Discussion about this post