Trazoi rrjetin me foton duke u puthur, kush është miss-i që uroi për 40-vjetor Vis Martinajn (FOTO)

I shumëkërkuari i drejtësisë Ervis Martinaj dje kishte 40- vjetorin e lindjes, teksa të gjithë janë në dilemën nëse është arratisur apo është vrarë, e dashura e tij poston një foto dhe bën lëmsh rrjetin. Fotoja, ku Martinaj puthej në buzë me bukuroshen brune u shpërnda në rrjetin social të vajzës, e cila u bë e njohur për publikun me inicialet E.P..

“Gëzuar ditëlindjen, Zoti të bekoftë dhe të dërgojë lutjet e mia çdo natë!”, ishte mbishkrimi që shoqëronte foton.

Mirëpo, kush është brunja misterioze që i uroi ditëlindjen me foton pikante “Mbretit” të kumarit në 40-vjetorin e tij? Në media shkruhet se ajo është Eva Pasha, një ish-pjesëmarrëse në Miss Universe. Theksojmë që fotoja është postuar në rrjetet e saj sociale dhe më pas është fshirë, për motive që nuk dihen.