Një tjetër aksident me vdekje ka ndodhur në Tiranë, ku për pasojë një person ka humbur jetën. Sipas policisë, një mjet tip kamionçinë me të cilën transportoheshin viça, është përplasur me trafikndarësen në Mjull Bathore dhe si pasojë drejtuesi i mjetit ka ndërruar jetë.
Policia po punon për zbardhjen e rrethanave të aksidentit, ndërsa materialet i kaluan prokurorisë për veprime të mëtejshme.
Kujtojmë që po sot, në orët e para të mëngjesit në Tiranë, një vajzë e re 23-vjece humbi jetën pasi u përplas në oborrin e banesës së saj nga një makinë. Po ashtu një këmbësor gjeti vdekjen në Fier pasi u përplas mëngjesin e kësaj të mërkure nga një makinë.
Discussion about this post