Tre herë kampioni i botës në tri divizione të ndryshme, Vasily Lomachenko, është rikthyer për t’i ndihmuar vendit të tij në luftë kundër agresionit të Rusisë. 34-vjeçari, fillimisht u raportua se ishte nisur për në Greqi pas pushtimit rus, por tani është rikthyer për t’iu bashkuar betejës.
Boksieri ukrainas së fundmi ka publikuar një fotografi në llogarinë e tij zyrtare në “Facebook”, ku shihet i veshur me uniformën ushtarake të Ukrainës.
“Batalioni i Mbrojtjes Territoriale Belgorod-Dniester është formuar dhe armatosur. Boksieri Vasyl Lomachenko është në mbrojtje”, është mbishkruar në këtë fotografi.
Lomachenko nuk është i vetmi boksier i famshëm ukrainas që ka lënë një jetë luksoze për t’i dalë në ndihmë vendit të tij, pasi pjesë e luftës janë edhe vëllezërit, Wladimir dhe Vitaly Klitschko, e po ashtu edhe personalitete tjera të njohura të jetës publike në Ukrainë.
Discussion about this post