Nuk paskan të mbaruar projektet muzikore nga ish- banorët e “Big Brother Vip Albania”.
Së fundmi, këngëtarja Fifi, ka lajmëruar në llogarinë e saj të Instagramit që ka për të sjellë një këngë të re me datë 18, në bashkëpunim me DJ Dagz-in apo DJ PM-in.
Data 18 është e premte, dita ku do të mbahet gjithashtu edhe finalja e “Big Brother VIP Albania”.
Ajo gjithashtu është shprehur në postin e saj të Instagram-it se mezi po e pret të ndajë këtë këngë me të gjithë.
“Big Brother VIP” po i vjen fundi. Tashmë zyrtarisht finalistë janë aktori Donald Veshaj, balerini Ilir Shaqiri, modelja Beniada Nishani dhe moderatorja Einxhel Shkira.
Katër banorët e mbetur janë në garë për çmimin kryesor prej 115 mijë eurosh, fitues do të shpallet në finalen e madhe që mbahet më 18 shkurt.
Kujtojmë që formati i “Big Brother VIP” u rikthye pas katër vitesh dhe për herë të parë pjesë e tij u bën personazhe të njohura.
View this post on Instagram
Discussion about this post