Është larguar nga drejtimi i Agjensisë Shtetërore të Kadastrës në Durrës, Xheni Agolli, e cila u emërua në këtë post në fund të vitit të kaluar.
Agolli u emërua, pas dorëheqjes së parevokueshme të numrit 2 të ASHK-së nga pozicioni i drejtueses së komanduar në drejtorinë e Durrësit. Kadastra e Durrësit konsiderohet një nga agjencitë më të ngarkuara dhe problematike në vend.
Mbingarkesa dhe fluksi i madh i punës në Kadastrën e Durrësit përgjatë një viti ishin arsyet e dorëheqjes së Xhajës, ndërkohë që burime nga Kadastra e Durrësit bëjnë me dije se Agolli u hoq nga posti që mbajti vetëm për 3 muaj, pasi nuk mundi të reagonte në shërbim të qytetarëve, kërkesave dhe ankesave të shumta të tyre të cilat nuk mundën të marrin përgjigje brenda afateve të përcaktuara ligjore, duke shtuar ankesat në AKSH për Kadastrën e Durrësit.
Ilir Gjinali është prezantuar sot si drejtuesi i komanduar i Agjencisë Shtetërore të Kadastrës në Durrës.
Gjinali punon prej vitesh tashmë pranë këtij institucioni.
Discussion about this post