Deputeti i Partisë Demokratike, Ervin Salianji ka denoncuar situatën e rëndë të kriminalitetit në vend, nisur nga ngjarja e një ditë më parë në Lezhë, ku tre persona terrorizuan me armë qytetarët në një lokal.
Salianji akuzon kryeministrin Rama dhe qeverinë se janë gjunjëzuar para krimit, ndërsa shkruan në Facebook, institucionet janë inekzistente dhe bandat kontrollojnë territorin.
“Ndërkohë Shqipëria nuk po gjen qetësi nga ngjarjet kriminale, Rama dhe qeveria e tij është gjunjëzuar para krimit! Vrasjet mafioze, grabitjet me armë si ajo e raportuar dje, dhuna e çdo forme po shpërfaqet në çdo cep të territorit, ndërkohë institucionet ligj zbatuese në rastin më të mirë, janë inekzistente, në rastin e keq, drejtohen dhe komandohen nga bandat! Asnjë masë, asnjë reagim, dorëzim i plotë i territorit në kontroll të bandave dhe sot justifikimi i turpshëm i Ramës se ngjarje të tilla ndodhin dhe ne kemi gjendje të kriminalitetit mesatar!!! Kur vjedh zgjedhjet me bandat detyrohet dhe të bëhet zëdhënës i tyre”, shkruan Salinaji.
Ngjarja të cilës i referohet deputeti demokrat, ndodhi ditën e djeshme ku 3 persona të maskuar dhe armatosur kanë hyrë në ambientet e një lokali, duke kërcënuar katër persona që ishin në një tavolinë. Policia e Lezhës mësohet se nuk ka pasur asnjë denoncim në lidhje me rastin, ndërsa nuk dihet se cili mund të ketë qenë qëllimi i tre personave të maskuar, pasi brenda lokalit nuk kanë marrë asgjë.
Discussion about this post