Banorët e “5 Majit” kanë paralajmëruar një protestë ditën e sotme rreth orës 19:00 përballë Drejtorisë së Policisë së Tiranës, për të kundërshtuar arrestimin e tre banorëve që u vunë në pranga një ditë më parë.
Ditën e djeshme, policia shoqëroi në komisariat tre qytetarë të zonës së “5 Majit” të cilët sipas policisë kanë dhunuar efektivët. Në pranga përfunduan: Bekim Cerrini, Loreta Nikolli dhe Mirash Marku. Sipas policisë, të lënduar kanë mbetur 8 efektivë të cilët kanë marrë dëmtime të shumta në trup.
Kujtojmë se, banorët e “5 Majit” u përplasën ditën e djeshme me policinë pasi tentuan të pengonin aksionin e IMT për shembjen e banesave të tyre. Banorët pretendojnë se nuk kanë nënshkruar asnjë marrëveshje për t’u dëmshpërblyer, ndërsa kërkojnë kompensim të plotë nga Bashkia.
Discussion about this post