Tre pikë me vuajtje, Milan përmbys Comon me golat e Hernandez dhe Leaos

Milani u rikthye te fitorja në kampionat, pas dy barazimeve radhazi. Kuqezinjtë triumfuan me përmbysje ndaj Como-s në transfertë, me rezultatin 2-1.

Edhe pse përballë ishte një ekip që luante për mbijetesën, te Milani hasën vështirësi të mëdha për të marrë tre pikët.

Como ishte më kërkuese dhe dominuese në pjesën e parë, duke dominuar miqtë. Në minutën e 17-të vendasit i shkuan shumë afër avantazhit, por Teo Hernandez largoi topin në momentin e fundit.

Vetëm 4 minuta më vonë, Milani u kundërpërgjigj me Reijnders, i cili gaboi gjithçka i vetëm me portierin duke mos shënuar dot.

Pjesa e parë u mbyll me rrjeta të paprekura, ndërsa në të dytën u shënuan tre gola. Como kaloi e para në avantazh me një gol të Diao, pas një kundërsulmi vrastar.

Reagimi i “djallit” erdhi 11 minuta më vonë, kur Theo Hernandez barazoi shifrat. Në minutën e 76-të, ishte Rafael Leao, i cili pas një pasimi perfekt të marrë, i vetëm me portierin nuk gaboi, duke e ndalur topin në fundin e rrjetës. Ky gol përmbysi rezultatin në 2-1, me shifrat që nuk ndryshuan deri në fund.