Ngjarja e një nate më parë në Elbasan ku u ekzekutua Everest Çaka ka tronditur mbarë opinionin punlik. Deri më tani janë shoqëruar në komisarit mbi 25 persona, por pasi janë marrë në pyetje janë lënë të lirë. Hetuesit kanë dyshime se autorët mund të jenë vrasës me pagesë. Tre janë pistat ku janë përqendruar hetimet, ajo e vrasjes për shkak të përplasjes së grupeve kriminale për prishjen e pazareve të drogës, ajo e hakmarrjes, por nuk përjashtohet edhe ndonjë konflikt që mund të ketë pasur viktima kohët e fundit.
