Detaje të reja janë zbardhur nga tentativa për vrasje me armë zjarri në Durrës, ku mësohet se ngjarja ka ndodhur në hotel “Cristal”. Gijotina.com ka rritur të zbardhë emrat e të rinjve të përfshirë në ngjarje, ku midis tyre bëhet fjalë për një vajzë transgjinore.
Mësohet se, të rinjtë kanë qenë nën efektin e drogës dhe të alkoolit në momentin e ngjarjes. Rreth mesnatës Markeljan Beqiri 16-vjeç ka qëlluar me pistoletë Arni Sulejmanin, 20-vjeçar, duke e plagosur në krah te pjesa e bërrylit.
Recepsionisti ka njoftuar policinë ndërkohë që në një dhomë të hotelit ka fshehur Anxhela Briskun, e cila mësohet se është transgjinore. Ka qenë vajza që ka fshehur armën pas hotelit, në pjesën e lulishtes.
Policia ka mbërritur në vendngjarje dhe e ndihmuar nga kamerat ka mundur të zbardhë ngjarjen. Ka qenë recepsionisti ai që është dorëzuar dhe ka rrëfyer për vajzën e cila është gjetur në një dhomë hoteli. Ndërkohë i plagosuri është dërguar në spital ku ka marrë ndihmë mjekësore si dhe është intervistuar nga policia. Autori i ngjarjes Markelian Beqiri dhe Tefik Shehu janë larguar nga vendi i ngjarjes dhe janë shpallur në kërkim, kurse Anxhela dhe recepsionisti janë arrestuar.
Në cilësinë e provës materiale u sekuestrua arma e zjarrit pistoletë që është përdorur në këtë ngjarje. Ndërkohë, policia njofton se po vijon puna për kapjen e autorit.
Discussion about this post