Ajo nuk është më thjesht Sara e Ledrit. Ajo është blogger-ja simpatike që ka fituar zemrat e të gjithëve ne. Megjithëse shumë aktive në rrjete sociale, kurioziteti për jetën e Sara Hoxhës është shumë i madh andaj në këtë intervistë për “Privé”, ajo zbuloi shumë detaje nga jeta e me këngëtarin e njohur. Le ta nisim me takimin e tyre të parë, i cili nuk ishte ashtu siç mund të keni menduar pasi Sara i njihte këngët e Ledrit, por jo fytyrën.
“Emrin Ledri Vula e kisha dëgjuar, edhe këngët. Thjesht nuk kisha një figurë që mund ta lidhja me emrin dhe në momentin që e pashë thashë: “Ëm, qenka i mirë ky”. Nuk e prisja që të ishte ai Ledri”– tha Sara, e cila rrëfeu edhe tre tiparet që asaj i pëlqejnë më shumë te Ledri.
“Një nga tiparet që e vlerësoj është shumë punëtor. Nuk është ziliqar, mundohet të marrë edhe dikë me vete nuk punon vetëm për veten. Nuk e di a mund ta quaj virtyt, por thjesht fakti që ai është një baba shumë i mirë, është e treta.”– tregoi Sara.
Ashtu si çdo çift edhe Sara me Ledrin sigurisht që kanë debatet e tyre, por e dini cila është arsyeja pse zihen më shpesh? “Kjo është e lehtë. Sa herë shkojmë në udhëtim zihemi kush do e takojë i pari Poin. Deri sa në fund i japim të drejtë njëri-tjetrit.”- tregoi Sara.
Sara e ka treguar edhe më parë që nuk është xheloze për partnerin e saj, por pyetjes nëse është posesive ajo iu përgjigj: “Jam posesive për gjërat që mendoj për gjërat që duhet t’i bëjë dhe t’i ketë, për këto gjëra, për gjëra të tjera jo.”– tha Sara. Ndër të tjera ajo foli edhe për takimin e parë me prindërit e Ledri Vulës, Xheraldina dhe Agron Vula. “Shumë i sikletshëm sepse ishte hera e parë që i takoja, por ata ishin shumë të dashur që në takimin e parë. Kur bëjmë sherr me Ledrin flas më shumë me Xherin. Xheri është gjithmonë në anën time.”-përfundoi ajo.
Discussion about this post