Policia e Tiranës ka ndërmarrë një operacion kundër lojërave të fatit, në lokalin e Elvis Martinajt, emër i njohur në tregun e lojërave të fatit dhe basteve. Lokali prej 3 vitesh ka qenë i mbyllur, ndërsa pasditen e së shtunës, efektivë të komisariatit numër 1 kanë ushtruar kontrolle në subjektin privat bar-restorant “Las Vegas” në pronësi të Martinajt.
Policia ka vënë në pranga 27-vjeçarin Ledjon Xhezairi, 28-vjeçarin Kledi Bunaca, si dhe janë shpallur në kërkim Urim Topuzi 35 vjeç dhe Edison Nazifi 35 vjeç. Ndërkohë është proceduar në gjendje të lirë shtetasi Lulo Hasani i datëlindjes 30 vjeç.
Gjatë kontrollit është konstatuar se në lokal është ushtruar aktiviteti i kundraligjshëm i organizimit të lotarive të palejuara. Në cilësinë e provës janë sekuestruar 900 000 lekë të rinj, si dhe 2975 Euro. Mësohet se paratë u gjetën në sirtarin e banakut të lokalit.
Po ashtu janë sekuestruar pesë aparatë telefonik celularë të cilët shërbenin për vendosjen e skedinave dhe basteve sportive për ndeshje të ndryshme futbolli.
Discussion about this post