Në tre vjetorin e tërmetit tragjik të 26 nëntorit në Shqipëri, kryetari i PD Sali Berisha ka denoncuar sot kryeministrin Edi Rama dhe qeverinë e tij se ka përdorur fondet dhe ndihmat për të vjedhur dhe për të blerë vota në zgjedhje.
Në një bashkëbisedim me qytetarët në Facebook, Berisha akuzoi qeverinë se në emër të fondeve të tërmetit shpërndau 91 milionë euro, kurse në 3 muaj fushatë militantëve të vet iu dha 160 milionë euro tërësisht.
Lexo edhe: Kapja e 430 kg kokainë në Fier, jepet masa për 10 të arrestuarit
“Qeveria ka përdorur ndihmat për tërmetin për dy qëllime. Qëllimi i parë të vjedhë. Çdo ndërtim i bërë me fondet e taksapaguesve shqiptarë për tërmetin ka kushtuar të paktën 5 herë më shtrenjtë se sa një ndërtim i bërë nga autoritetet turke apo donatorë të tjerë.
Së dyti i përdori për të blerë vota, në mënyrën më kriminale në prill 2021. Kjo qeveri në emër të fondeve të tërmetit shpërndau 91 milionë euro kurse në 3 muaj fushatë militantëve të vet 160 milionë euro tërësisht.
Sot janë me qindra e mijëra familje që sot jetojnë te të afërmit e tyre ose në çadra apo kontejnerë se ndërtimi i shtëpive të tyre larg së përfunduari.
Histori vjedhje korrupsioni pashpirtësie dëshmoi ky tërmet. Ata pak të arrestuar në këtë tre vjetor u liruan si për të mbytur së dyti në rrënojat e korrupsionit, ata që ranë në rrënojat e tërmetit.
Rama grabiti mandatin e tretë dhe vijon me cinizëm të përdorë pushtetin për të vjedhur, pasuruar e larguar shqiptarët nga Shqipëri”, tha Berisha.
Discussion about this post