Rrëfime rëngjethëse po zbardhen rreth Florind Belliut dhe jetës së tij. Pas lajmit të hidhur se Florindi vrau gruan dhe më pas veten ka tronditur miqtë e 35-vjeçarit. Ata kanë treguar se e njohin Florindin për djalë me shumë vlera dhe nuk e besojnë dot çfarë ka ndodhur. Një prej tyre ishte edhe miku i tij, Marsel Rupi, i cili ka treguar se aktori shkoi në Shtetet e Bashkuara për të ndjekur ëndrrën e tij, aktrimin.
Në një intervistë Rupi u shpreh se me Belliun kanë qenë studentë në Akademinë e Arteve, teksa shtoi se 35-vjeçari e ushtroi herë pas here profesionin në SHBA. “Fakti është që, vërtet në këtë vend njerëzit ikin shumë për pjesën ekonomike, por ai nuk iku vetëm për këtë. Ai iku për të ndjekur ëndrrën, iku për t’u bërë aktor, nuk e la profesionin. Herë pas here e ka ushtruar profesionin, por atje është një treg shumë më i egër sesa këtu, ka tentuar, nuk e ka lënë asnjëherë. Nuk e la asnjë moment pjesën e aktrimit, duke u interesuar here pas here për vepra shqiptare, i përkthente vetë në anglisht”, theksoi ai.
Kujtojmë se ngjarja e rëndë ka ndodhur mbrëmjen e shkuar në New York ku nga një debat i fortë Florindi ka humbur toruan dhe ka hedhur gruan nga pallati, më pas është vetëflijuar. E gjithë skema ka ndodhur në sy të fëmijëve të tyre.
Discussion about this post