Tregjet evropiane të aksioneve po tregtohen më të ulëta , me ndjenjën e tregut të tronditur nga bisedimet për tavanin e borxhit të SHBA-së, që duket se nuk po bëjnë përparim.
Indeksi Stoxx 600 ra me 0.9% në fillim të tregtisë, ndërsa tani është 1.21% në 460.48 pikë. Humbjet kryesuan stoqet minerare, me një rënie prej 1.75%. Në indekset individuale, FTSE 100 britanik ra 1.21%, gjermani DAX humbi 0.28%, francezi CAC 40 ra me 1.41%, ndërsa në rajon italiani FTSE MIB ra me 1.56% dhe ai spanjoll IBEX 35 1.06%.
Në SHBA, Kryetari i Dhomës së Përfaqësuesve Kevin McCarthy tha se, ai pati një diskutim “produktiv” me Presidentin Joe Biden të hënën, por që nga e marta kishte pak shenja përparimi në negociata.
Sekretarja amerikane e Thesarit Janet Yellen paralajmëroi më parë ligjvënësit se një dështim në fillim të qershorit ishte “shumë i mundshëm”. Ofertat e së ardhmes së aksioneve të SHBA-së ishin të sheshta gjatë natës, ndërsa tregjet e Azisë-Paqësorit ranë.
Në Evropë, të dhënat e inflacionit në Mbretërinë e Bashkuar treguan një rënie të mprehtë të normës totale nga 10.1% në 8.7%, megjithëse kjo ishte mbi vlerësimin e ekonomistëve në Reuters prej 8.2%. Çmimet u rritën me 1.2% në bazë mujore, mbi parashikimin për 0.8%. Vihet re se inflacioni në Britaninë e Madhe bie nën 10% për herë të parë që nga gushti.
Fondi Monetar Ndërkombëtar ra dakord të martën me Bankën e Anglisë duke thënë se nuk pret më një recesion në Mbretërinë e Bashkuar këtë vit.
Discussion about this post