Armina Mevlani, ka postuar një foto nga protesta në “Instagram”, ku i ka dalë në mbrojtje vjehrrit të saj, ish-kryeministrit Berisha. Ajo ka shkruas se opozita që ndodhet në godinë është fallco dhe mbështetet nga policia, ndërsa ajo e vërteta po dhunohet, pasi kërkojnë që të futen në shtëpinë e tyre.
“Kjo është situata e trishtë ku ndodhet sot opozita ‘fallco’ e mbështetur nga policia e Shtetit. Dhe opozita e vërtetë e dhunuar sepse dëshiron që të hyjë në shtëpinë e vet. Me të drejtë dhe vota të plota!”, shkruan ajo.
Armina u shpreh se nuk ka bërë vaki që dikush të qëndrojë me dhunë në detyrë, kur demokratët nuk e duan, ndaj kërkoi që Basha të tregonte dinjitet.
Nuk ka bërë vaki që dikush të qëndrojë me dhunë kur demokratët nuk e duan. Pak dinjitet zotëri. Pak dinjitet. Megjithëse dinjitetin e ke fjalë të huaj. Sepse po ta njihje do të ishe larguar që kur humbe për herë të 100.”, shkruan Mevlani.
Discussion about this post