Pavarësisht se kanë paguar taksën sipas ligjit dhe tezgat e bashkisë, qytetarët e Kombinatit po përballen me një situatë të paprecedentë, ku policia bashkiake ka mësyrë mëngjesin e sotëm me dhunë për të larguar tregtarët.
Tregtarët e Kombinatit shprehen se janë përballur me një sulm nga Bashkia e Tiranës, e cila sipas tyre synon t’i largojë nga hapësirat ku tregtojnë prej vitesh fruta-perime.
Ky veprim, sipas tregtarëve, është i padrejtë dhe po shkatërron burimin e tyre të vetëm të jetesës.
Tregtarët kanë reaguar duke protestuar këtë të shtunë për këtë padrejtësi që sipas tyre po u bëhet nga Bashkia e Tiranës, e cila pas shumë vitesh kërkon të largojë tregtarët nga vendi i punës.
“Kemi bërë 15 ditë aksion dhe kemi mbajtur emrat e tregtarëve që shesin fruta dhe perime,” deklaroi një përfaqësues i grupit të punës, pa dhënë një zgjidhje konkrete për të gjithë tregtarët e prekur.
Ata shprehen se Bashkia po vepron në mënyrë të papritur dhe pa ofruar alternativa të drejta për ta. Gjithashtu, tregtarët dhe banorët e zonës po kërkojnë që Bashkia të ndalojë largimet dhe të ofrojë një zgjidhje të drejtë që nuk cenon jetesën e tyre.
“Kemi vite që punojmë këtu dhe askush nuk na ka shqetësuar. Tani po na lënë pa asnjë mundësi për të ushqyer familjet,” tha një prej tregtarëve.
Pjesë e protestës ishte edhe Klevis Balliu, shefi i organizimit të Partisë Demokratike në Tiranë, i cili u shpreh se në prag të zgjedhjeve vjen bashkia për të ju bërë qoka dhe ndere militantëve të vet, kërkon që të largojë ata që kanë 30 vite që paguajnë taksa të bashkia e Tiranës.
“Në prag të zgjedhjeve vjen bashkia për të ju bërë qoka dhe ndere militantëve të vet, kërkon që të largojë ata që kanë 30 vite që paguajnë taksa të bashkia e Tiranës dhe vijnë me justifikime se këtu nuk po shiten fruta por po shiten perime, nuk po shiten pras, por po shiten mollë. Kjo vjen nga një bashki e cila shet drogë dhe sot jemi në kushtet ku jo vetëm qytetarët paguajnë taksa, pagujnë paratë e xhepit të tyre të bukës së gojës të fëmijëve të tyre, i çojnë të bashkia e Tiranës e këta vijnë për t’i hequr nga një biznes i ligjshëm. Shiko se sa policë kanë ardhur për të hequr dy qese pras, ndërkohë që kur shesin tonelatat e drogës, këta i marrin e i fusin në parlament e i bëjnë drejtora.
Kjo vjen nga një bashki që 70% të drejtorëve të tij i ka në burg dhe unë nuk e di se cili drejtor e ka ëdhënë këtë urdher se drejtorat e bashkisë janë në burg. Nga burgu i japin urdhërat këta për t’i ngritur qytetarët që këtu? PD denoncon këtë akt dhe do marim përsipër mbështetjen e këtyre qytetarëve dhe cilido polic apo punonjës i bashkisë i bëj thirrje të kujtojnë se ku i ka drejtorët e vet dhe i garantoj se duke larguarqytetarët, duke shkelur ligjin, do të keni fatin e drejtorëve të 5D te 313, mos i prekni bizneset e qytetarëve dhe lërini urdhërat e jashtëligjshëm”, tha ai.
Discussion about this post