Vizita e ministres kthehet në përballje të ashpër – akuza publike, revoltë dhe pakënaqësi të forta nga tregu industrial
Një situatë e tensionuar është regjistruar këtë të shtunë në Vlorë, ku tregtarët e tregut industrial kanë pritur me kritika të ashpra dhe akuza direkte ministren e Jashtme, Elisa Spiropali, gjatë vizitës së saj në qytet.
Reagimet kanë qenë të forta dhe publike. Një qytetare i është drejtuar ministres me tone të ashpra, duke deklaruar:
“Turp që vini në Vlorë, se e kini shkulur me themel. T’iu vijë rëndë që vini në Vlorë.”
Përballë revoltës së tregtarëve, Spiropali është shprehur se ndodhej në Vlorë për një çështje tjetër dhe ka pranuar se nuk ka qenë plotësisht e informuar për situatën e tregut industrial. Ajo ka premtuar se do të zhvillojë bisedime me kryetaren e bashkisë dhe me anëtarët e Këshillit Bashkiak për të marrë informacion më të detajuar mbi problemet e ngritura.
“Do të flas me kryetaren dhe me anëtarët e këshillit bashkiak që të njihem më konkretisht me problemin tuaj”, mësohet t’u ketë thënë ajo tregtarëve.
Ministrja Spiropali ndodhej në Vlorë për të marrë pjesë në Forumin e Dialogut “Edhe disa hapa akoma drejt BE”, por vizita e saj u shoqërua nga pakënaqësi e thellë sociale, duke nxjerrë në pah tensionet mes institucioneve dhe komunitetit të tregtarëve.
Discussion about this post