Policia e Tiranës ka goditur një rast i kontrabandës me mallra për të cilat paguhet akcizë, ku janë sekuestruar 132 litra parfum dhe esencë parfumi.
Ndërsa janë arrestuar në flagrancë një 31-vjeçar me inicialet S.K dhe është proceduar penalisht bashkëshortja e tij.
Gjatë kontrollit të ushtruar në subjektin e tyre, në rrugën “Bardhyl”, është gjetur dhe sekuestruar një sasi prej 132 litra parfum dhe esencë parfumi, të depozituara në bidona plastik për të cilat nuk dispononte dokumentacion dhe dyshohej se ishte kontrabandë.
Materialet iu kaluan Prokurorisë, për veprime të mëtejshme.
