Moderatori kosovar, Labinot Gashi, ka komentuar trekëndëshin Beatrix-Donald-Bora. Ai është shprehur se e ka përkrahur Triksën pavarësisht se çfarë përflitej në rrjet.
Në një intervistë për “Why?Not” në RTV Ora, Labinoti thotë se dashuria është mbi të gjitha. Megjithatë Labinoti thekson se ka respekt të madh edhe për Bora Zemanin.
Labinot Gashi: E kam përkrahur, pa marrë parasysh situatën edhe rrethanat të cilat ka kaluar brenda shtëpisë së Big Brother Vip. Dashnia nganjëherë thonë se është mbi të gjitha. Respekt shumë të madh për nënën e Beatrix, Antigona, për shkak se e di që e ka përjetuar shumë më rëndë së Beatrix. Dashtë Zoti janë bashkë edhe jashtë shtëpisë. Kam respekt shumë edhe për Borën, e respektoj si prezantuese.
Ai tha se beson në dashuri dhe se nëse dashuria të troket derën, atëherë shfrytëzoje.
Labinot Gashi: Besoj te dashnia. Kur vjen dashnia e momentit shfrytëzoje. Ata janë të mbyllur në një shtëpi atje. Presioni i njerëzve brenda, kur të thonë 10 herë “shiko se ai djali po të shikon”, normalisht që ndikohesh. Futen xixat. Kur je mësuar të ledhatohesh nga dikush tërë kohës, të njëjtën gjë pret dhe kur mbyllesh te shtëpia e “BBV”.
Discussion about this post